Ուժգին քամի և կարկուտ` Տավուշում. տապալվել են ծառեր, արգելափակվել են ճանապարհներ

Անձրևի, կարկտահարության և ուժգին քամու հետևանքով Տավուշի մարզկենտրոն Իջևանում տապալվել են ծառեր, արգելափակվել ճանապարհներ:

Կարկուտը և անձրևը վնասել է նաև Իջևան համայնքի գյուղական բնակավայրերը, հաղորդում են Տավուշի մարզպետարանից։ 

Փրկարարների օգնությամբ ծառի տակ մնացած մեքենայից դուրս են բերվել ուղևորները, որոնց մեջ եղել են նաև երեխաներ։

Փրկարարները, ոստիկանները, համայնքային իշխանությունները մաքրում և բացում են միջպետական, ինչպես նաեւ համայնքային նշանակության ճանապարհներն ու փողոցները:

Այս պահին կան էներգետիկ ցանցի վթարներ, կոտրված ծառեր, վնասված տանիքներ, ջրալցված նկուղային հարկեր։