Բելառուսում զորավարժություններ կանցկացվեն

Հունիսի 21-ից 30-ը Բելառուսում մոբիլիզացիոն զորավարժություններ կանցկացվեն Մինսկի մարզի զինկոմիսարիատների հետ։ Այս մասին հայտնում է երկրի պաշտպանության նախարարության մամուլի ծառայությունը։

Զորավարժությունների հիմնական նպատակն է գնահատել տեղական գործադիր մարմինների, զինկոմիսարիատների, պետական ​​մարմինների և կազմակերպությունների պատրաստվածության աստիճանը հանձնարարված խնդիրները կատարելու համար։  Համապատասխան միջոցառումն անցկացվում է ամեն տարի՝ Բելառուսի զինված ուժերի պատրաստության պլանի շրջանակներում։

Զորավարժությունների ընթացքում նախատեսվում է միջոցառումներ իրականացնել ենթակառուցվածքային օբյեկտների տեղակայման, զինվորական ծառայության ենթակա անձանց և տրանսպորտային միջոցների ներգրավման ուղղությամբ։
 

Մայիսի վերջին Բելառուսի հրթիռային զորքերը դասընթաց են անցկացրել «Իսկանդեր-Մ» համալիրի միջոցով հրթիռային հարվածների կառավարման վերաբերյալ։ 

Երկրի ՊՆ-ի տվյալներով՝ զինվորականները սովորական և հատուկ տեխնիկայով հարվածներ պատրաստելու և հասցնելու պրակտիկա են անցկացրել։