Ուկրաինան հակահարձակման ժամանակ բախվել է ուժեղ դիմադրության․ երկրի ԶՈւ փոխնախարար

Ուկրաինայի Զինված ուժերը հակահարձակման ժամանակ բախվել են դժվարությունների և ռուսական բանակի ուժեղ դիմադրությանը։ Այս մասին ասել է Ուկրաինայի պաշտպանության փոխնախարար Աննա Մալյարը։ 

Նրա խոսքով՝ ուկրաինական բանակի հակահարձակումից արագ հաջողությունների սպասել պետք չէ։ 

«Աստիճանաբար, դժվարություններով առաջ ենք գնալու՝ հանդիպելով կատաղի դիմադրության»,- ասել է փոխնախարարը և խոստացել, որ հիմնական հարվածը «դեռ առջևում է»։ 

Հիշեցնենք, որ Ուկրաինական բանակը իր հայտարարած հակահարձակումը սկսել է հունիսի 4-ից մի քանի ուղղություններով։