Ռումբի ահազանգ՝ Մոսկվայի Օստանկինո հեռուստատեսային կենտրոնում

Անհայտ անձինք հայտնել են Մոսկվայի Օստանկինո հեռուստատեսային կենտրոնի ապարատային և ստուդիական համալիրում «ռումբի տեղադրման» մասին։ Այս մասին ТАСС-ին հայտնեցին արտակարգ իրավիճակների ծառայությունից։ Դեպքի վայրում են օպերատիվ ծառայությունների մասնագետները և սակրավորները։ Տարհանման մասին տեղեկություն չի ստացվել։ 

Ավելի վաղ անանուն հաղորդագրություն էր ստացվել Մոսկվայի «Օստանկինո» հեռուստաաշտարակի մոտ պայթյունի սպառնալիքի մասին։ Ավելի ուշ հեռուստաաշտարակի մամուլի ծառայությունից պարզաբանել էին, որ վտանգավոր ոչինչ չի հայտնաբերվել։