Կարսում հայկական եկեղեցին շարունակում է հայտնվել թուրք գանձագողերի թիրախում

Գանձագողերը թալանել են Թուրքիայի արևելյան հատվածում գտնվող Կարսի 150 տարեկան հայկական եկեղեցին: Այս մասին գրում է Ermenihaber-ը։
Նշվում է, որ Կարսի բերդի դիմաց գտնվող Ուչլեր թաղամասի եկեղեցին, որը հայտնվում է  գանձագողերի թիրախում, գրեթե փլուզման եզրին է: Դրա պատճառ է հանդիսացել այն, որ գանձագողերը իրենց նպատակին հասնելու համար նույնիսկ քանդել են եկեղեցու պատերը:

Տեղացիները պատմել են են, որ եկեղեցին ժամանակին ուսումնասիրվել է հնէաբանների կողմից, ինչպես նաև տեղացիների համար ծառայել որպես անասնագոմ: 

«Եթե եկեղեցին համապատասխան մարմինների կողմից մեկ րոպե շուտ չառնվի վերահսկողության տակ կարող է փլուզվել և վերանալ»,- նշել է բնակիչներից մեկը: