Երկրաշարժ՝ Թուրքիայում

Թուրքիայի հարավ-արևելքում գտնվող Ադըյաման նահանգում 3,7 մագնիտուդ ուժգնությամբ երկրաշարժ է տեղի ունեցել։ Տեղեկությունը հայտնում է տարերային աղետների հետևանքների վերացման վարչությունը (ԱՖԱԴ):

Նշվում է, որ ստորգետնյա ցնցումները գրանցվել են Սինջիկի շրջանում տեղական ժամանակով 10:34-ին (Երևանի ժամանակով 11:34-ին):

Երկրաշարժի օջախը գտնվել է 10,8 կմ խորության վրա:

Հիշեցնենք, որ Ադըյաման նահանգը լրջորեն տուժել էր 2023 թ. փետրվարին Թուրքիայում տեղի ունեցած ավերիչ երկրաշարժերի հետևանքով։