Մարոկկոյում երկրաշարժի զոհերի թիվը գերազանցել է 1.3 հազարը. ավելի քան 1800 մարդ տուժել է

Մարոկկոյում տեղի ունեցած երկրաշարժի զոհերի թիվը գերազանցել է 1300-ը, ավելի քան 1800 մարդ վիրավորվել է: Այս մասին հայտնում են տեղական լրատվամիջոցները՝ վկայակոչելով թագավորության ներքին գործերի նախարարությանը։

Մարոկկոյի թագավոր Մուհամեդ VI–ը երկրին պատուհասած ավերիչ երկրաշարժից հետո եռօրյա սուգ է հայտարարել: 

Հիշեցնենք` Եվրոպական-միջերկրածովյան սեյսմոլոգիական կենտրոնը (EMSC) հայտնել էր, որ սեպտեմբերի 9-ին` Երևանի ժամանակով 02։11–ին, 6,9 մագնիտուդով երկրաշարժ է տեղի ունեցել Մարոկկոյում՝ Մարաքեշից 80 կմ հեռավորության վրա: Մարոկկոյի ազգային երկրաֆիզիկական ինստիտուտի տվյալներով՝ երկրաշարժի ուժգնությունը կազմել է 7 բալ: