Փակվել է Եվրոպայի գազի ամենամեծ հանքավայրը

Գազի արդյունահանումը Գրոնինգենի հանքավայրում, որը Արևմտյան Եվրոպայում այս ռեսուրսի հիմնական աղբյուրներից մեկն էր, դադարեցվել է։  

Նիդեռլանդների հյուսիսային նահանգում գազամատակարարումը դադարեցվել է տեղական ժամանակով ժամը 6:00-ին (Երեւանի ժամանակով ժամը 7:00-ին): Շահագործումը կարող է վերսկսվել 2024 թվականին։

Պատճառը երկրաշարժերի և ավերածությունների սպառնալիքն էր՝ կապված Եվրոպայի ամենամեծ հանքավայրի շահագործման հետ։ Գազի արդյունահանումն այնտեղ սկսվել է 60 տարի առաջ։ 

Գրոնինգենի հանքավայրում արդյունահանումը սկսվել է 1963 թվականին, որից հետո այն արագորեն դարձել է Արևմտյան Եվրոպայի մեծ մասի համար գազի առանցքային և Նիդեռլանդների բյուջետային մուտքերի հիմնական աղբյուր։