Գազայի հատվածում հացի պաշարները սպառվում են

Գազայի հատվածում միայն մեկ ալրաղաց է բաց, որտեղ բնակիչները ժամերով հերթ են կանգնում հացի համար, հայտնել է ՄԱԿ-ի Պարենի համաշխարհային ծրագիրը, փոխանցում է ՌԻԱ Նովոստին:

«Հացի պաշարները վերջանում են։ Գազայի հատվածում հինգ ալրաղացներից միայն մեկն է աշխատում վառելիքի և էլեկտրաէներգիայի բացակայության պատճառով։ Գործում են հացաբուլկեղենի մի քանի կետեր, մարդիկ ժամերով հերթ են կանգնում հացի համար»,-նշված է հայտարարության մեջ։