Հայտնի է Գազայի հարավում զոհերի թիվը

Գազայի հատվածի հարավում գտնվող Խան Յունիս քաղաքի ուղղությամբ իսրայելական ավիահարվածների հետևանքով զոհվել է առնվազն 21 պաղեստինցի, այդ թվում՝ երեխաներ, ևս 79-ը վիրավորվել են, հայտնում է WAFA պաղեստինյան գործակալությունը։

Իսրայելական ռազմական ինքնաթիռները միաժամանակ գրոհել են Խան Յունիսում գտնվող 6 բնակելի շենքեր, ինչի հետևանքով ողբերգականորեն զոհվել է 21 մարդ, ևս 79-ը վիրավորվել են, որոնց մեծ մասը կանայք և երեխաներ են։