Տավուշում մարդատար ավտոմեքենա է արվել․18 ուղևորներն ու վարորդը հասցրել են դուրս գալ

Նոյեմբերի 6-ին, ժամը 15:33-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արծվաբերդ գյուղ տանող ավտոճանապարհին ավտոմեքենա է այրվում: Այս մասին հայտնում են ՆԳՆ ՓԾ-ից։

Հաղորդվում է, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

«Պարզվել է, որ գյուղի վերջնամասում այրվում է Բերդ-Չինարի երթուղին սպասարկող ուղևորատար «GAZelle» մակնիշի ավտոմեքենան (վարորդ` Զ. Օ., 18 ուղևոր)։ Հրդեհը մեկուսացվել է ժամը 16:15-ին, մարվել` 16:33-ին: Այրվել է ավտոմեքենան․ տուժածներ չկան», -ասված է հաղորդագրության մեջ:

Ըստ ԶԼՄ-երի, բարեբախտաբար թե՛ վարորդը, թե՛ 18 ուղևորները հասցրել են դուրս գալ մեքենայից։ 
 

[d1900c55e803b29d276ef88937f8a74c.png]

[560d15ac3716f768a9f83632158232a3.jpg]