Ստորգետնյա ցնցումներ մեր տարածաշրջանի երկու երկրներում

Թեհրանի համալսարանի երկրաֆիզիկայի ինստիտուտի սեյսմոլոգիական կենտրոնը հայտնել է, որ Իրանի արևմուտքում՝ Իլամ նահանգում, 5,1 մագնիտուդ ուժգնությամբ երկրաշարժ է գրանցվել։

Ստորգետնյա ցնցումների էպիկենտրոնը գտնվել է Մուրմուրի քաղաքից 9 կիլոմետր հեռավորության վրա։ Զոհերի և ավերածությունների մասին տեղեկություններ չկան։

Թուրքիայի արևմուտքում 5,0 մագնիտուդ ուժգնությամբ երկրաշարժ է գրանցվել, հայտնում է Եվրոպական-միջերկրածովյան սեյսմոլոգիական կենտրոնը։

Նրա տվյալներով՝ էպիկենտրոնը գտնվել է Ալանիա քաղաքից 22 կմ հարավ, 14 կմ խորության վրա, որտեղ ապրում է 112 հազար մարդ։

Զոհերի և ավերածությունների մասին տեղեկություններ չկան։