Իրանի և Ադրբեջանի արտգործնախարարները հեռախոսազրույց են ունեցել

Ադրբեջանի ԱԳՆ ղեկավար Ջեյհուն Բայրամովը և Իրանի ԱԳՆ ղեկավար Հոսեյն Ամիր Աբդոլլահիանը հեռախոսազրույց են ունեցել: Այս մասին հայտնում է Իրանի արտաքին գործերի նախարարությունը:

Ինչպես նշվում է տարածված հաղորդագրության մեջ՝ հեռախոսազրույցի ընթացքում քննարկվել են Իրանի և Ադրբեջանի հարաբերություններում առկա իրավիճակն ու համագործակցության հեռանկարները:

«Ընդգծվել է տարածաշրջանային երկխոսության ամրապնդման կարևորությունը։ Մտքեր են փոխանակվել բազմակողմ և տարածաշրջանային հարցերի շուրջ: Կողմերը գոհունակություն են հայտնել երկկողմ հարաբերությունների ամրապնդմամբ և կարևորել են տարածաշրջանում և միջազգային ասպարեզում համագործակցության ընդլայնումը»,– նշվում է հաղորդագրության մեջ: