Փարաքար-Երևան տրանսպորտի ուղեվարձը 50 դրամով թանկացել է. մարզպետարանից պարզաբանում են

Փարաքար խոշորացված համայնքի բնակիչներն Auroranews-ին ահազանգում են՝ համայնքը սպասարկող 205 համարի երթուղու սակագինը թանկացրել է՝ 200 դրամից դառնալով 250 դրամ։

Նշենք, որ 205 համարի երթուղին Նորակերտից Երևան է գալիս՝ անցնելով մի քանի համայնքներով, այդ թվում նաև Փարաքարով։ Երթուղին սպասարկում է «Էջմիածնի բեռնաուղևորատար ավտոտրանսպորտային» ԲԲԸ («Էջմիածին ԲՈՒԱՏ») կազմակերպությունը։

Արմավիրի մարզպետարանից Auroranews-ին հայտնեցին, որ ընկերությունն ի սկզբանե մրցույթը հաղթել է 250 դրամով։

«Ուղղակի բնակիչների դրության մեջ են մտել, 200 դրամ էին գանձում, սակայն ինչ-ինչ խնդիրներ են ունեցել, ուղղակի զգուշացրել են, որ 250 են դարձնելու։ Համայնքն այդտեղ որևէ լիազորություն չունի»,-ասաց նա։