ՀԱՄԱՍ-ը ցանկանում է ավելացնել փոխանակման համար գերիների թիվը

Արմատական ​​«ՀԱՄԱՍ» շարժումը ցանկանում է ավելացնել պաղեստինցի բանտարկյալների թիվը, որոնց Իսրայելը պետք է բաց թողնի Գազայի հատվածում պատանդների դիմաց։ Այսպիսի հայտարարություն է արել Al Arabiya հեռուստաալիքը՝ վկայակոչելով աղբյուրներ։

Նրանց խոսքով՝ շարժումը ներկայումս մերժում է նախկինում կնքված համաձայնագրերը, երբ փոխանակումը տեղի էր ունենում «մեկ իսրայելցի պատանդ երեք պաղեստինցի բանտարկյալների դիմաց» բանաձեւով։ Իսրայելը միջնորդներին տեղեկացրել է, որ համաձայն չէ ՀԱՄԱՍ-ի կողմից հայտարարված՝ բանտում գտնվող պաղեստինցիների թվի հետ, որոնք պետք է ազատ արձակվեն, նշում է հեռուստաալիքը։ Տեղեկություններն այն մասին, թե կոնկրետ քանի բանտարկյալի են ցանկանում ազատել արմատականները՝ իրենց պահած իսրայելցի պատանդների դիմաց, դեռևս չի տրամադրվել։

ՀԱՄԱՍ-ը դեռ չի մեկնաբանել հեռուստաալիքի տեղեկությունը։