ՏԵՍԱՆՅՈՒԹ. Պահեստային տարածքից դուրս են բերվում փրկված գույքն ու ապրանքները

Այրված պահեստային տարածքից դուրս են բերվում փրկված գույքն ու ապրանքները, կատարվում է հրդեհաշիջում:

Հիշեցնենք` փետրվարի 10-ին, ժամը 09:40-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Թբիլիսյան խճուղում գտնվող պահեստային տարածքում:

Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից տասերկու մարտական հաշվարկ, երկու ավտոսանդուղք, հրդեհաշիջման և փրկարարական աշխատանքների կազմակերպման բաժնի հերթապահ, Ճգնաժամային կառավարման ազգային կենտրոնի օպերատիվ, Բժշկական ապահովման վարչության հերթապահ խմբերը և Հոգեբանական աջակցության բաժնի հերթապահ հոգեբանը և գազածխապաշտպան ծառայության մեքենան։

Ըստ նախնական տվյալների՝ հրդեհ է բռնկվել 25000 քմ մակերեսով պահեստի 6000 քմ հատվածում։

Հավելենք, որ բռնկված հրդեհն այս պահի դրությամբ մեկուսացվել է: Այս մասին Auroranews-ին հայտնեց ՆԳՆ մամուլի քարտուղար Նարեկ Սարգսյանը: Հավելենք, որ հրապարակվել են մի շարք կադրեր: Պահեստային տարածքում բռնկված հրդեհի ծուխը` քաղաքի տարբեր հատվածներից: