Մահացել է Ալեքսեյ Նավալնին

Ուղղիչ գաղութում մահացել է ռուս ընդդիմադիր գործիչ Ալեքսեյ Նավալնին: Այս մասին հայտնում է ՌԴ Պատիժների կատարման դաշնային ծառայությունը։

«2024 թվականի փետրվարի 16-ին թիվ 3 ուղղիչ գաղութում դատապարտյալ Ա.Ա. Նավալնին զբոսանքից հետո իրեն վատ է զգացել՝ գրեթե անմիջապես կորցնելով գիտակցությունը»,- ասվում է  հաղորդագրության մեջ։

Հայտարարության մեջ նշվում է, որ անմիջապես ժամանել են հաստատության բուժաշխատողները և «հրավիրվել է շտապօգնության բրիգադ»։

RT-ի փոխանցմամբ՝ պատճառը թրոմբն է եղել:

Նշենք, որ Նավալնին հատուկ ռեժիմի գաղութում պատիժ է կրում 2023 թվականի դեկտեմբերից։

Յամալո-Նենեց ինքնավար օկրուգի դիտորդական հասարակական հանձնաժողովից հայտնում են, որ Նավալնին առողջական խնդիրներից չի բողոքել: