ԱՄՆ-ն հինգ հարված է հասցրել Եմենում հութիների թիրախներին

ԱՄՆ-ն Եմենում հինգ հարված է հասցրել հականավային թևավոր հրթիռների, վերգետնյա և ստորջրյա անօդաչու սարքերի ուղղությամբ։ Այս մասին հայտնում է ԱՄՆ կենտրոնական հրամանատարությունը։

«Փետրվարի 17-ի ժամը 15:00-ից մինչև 20:00-ն ընկած ժամանակահատվածում ԱՄՆ կենտրոնական հրամանատարությունը ինքնապաշտպանության համար հաջողությամբ հինգ հարված է հասցրել երեք շարժական հականավային թևավոր հրթիռների, մեկ անօդաչու ստորջրյա նավի և մեկ անօդաչու թռչող սարքի ուղղությամբ»,- ասվում է X-ի հրամանատարության հայտարարության մեջ:

Հոկտեմբերի 23-ից ի վեր սա «հութիների կողմից ստորջրյա անօդաչու թռչող սարքի առաջին դիտված օգտագործումն է», նշվում է փաստաթղթում։