ԱՄՆ բանակն իր հաշվին միջոցներ է հատկացնում Ուկրաինային աջակցելու համար. CNN

ԱՄՆ բանակն իր հաշվին միջոցներ է հատկացնում Ուկրաինային աջակցելու համար: Այս մասին գրում է CNN-ը:

Վերջին մի քանի ամիսների ընթացքում ԱՄՆ բանակը ստիպված է եղել վճարել հարյուր միլիոնավոր դոլարների հաշիվներ Ուկրաինայի զինված ուժերի աջակցության համար, քանի որ Կոնգրեսում Ուկրաինայի ֆինանսավորման հեռանկարները մնում են անորոշ:

CNN-ի փոխանցմամբ ՝ բանակում ավելի ու ավելի են անհանգստանում, որ առանց նոր ֆինանսավորման ստիպված կլինեն գումար խնայել այլ կարևոր նախագծերի վրա, որպեսզի հետագայում ևս աջակցեն Կիևին:

2023 թվականի հոկտեմբերից՝ ֆինանսական տարվա սկզբից, բանակը ավելի քան 430 միլիոն դոլար է ծախսել տարբեր գործողությունների վրա, այդ թվում՝ ուկրաինական զորքերի վերապատրաստման, սարքավորումների տեղափոխման և ամերիկյան զորքերի Եվրոպա տեղափոխման վրա։ Այս հաշիվները վճարել է Եվրոպայում և Աֆրիկայում ԱՄՆ հրամանատարությունը։

«Ըստ էության, մենք դա անում ենք բանակի պաշարների հաշվին», — լրատվամիջոցին ասել է բարձրաստիճան ռազմական պաշտոնյան: