Հայտնի է, թե Արցախում սեպտեմբերյան մարտական գործողությունների հետևանքով քանի զոհ և անհետ կորած կա

181 զինծառայող զոհված է ճանաչվել և 11 զինծառայող համարվում է անհետ կորած՝ սեպտեմբերի 19-20 ը Արցախում ծավալված մարտական գործողությունների հետևանքով։

Զինծառայողների ապահովագրության հիմնադրամից «Ազատության»-ը տեղեկացրել են, որ արդեն հատուցում է տրամադրվել 12 շահառուների։ Վաղը ևս 52 շահառուներ կստանան 5 կամ 10 միլիոն դրամի միանվագ հատուցումներ, որից հետո իրենց հասանելիք ամսական վճարները։

Հիմնադրամից վստահեցնում են՝ դիմումները Պաշտպանության նախարարությունից ստանալուց հետո հնարավորինս արագ հատուցումներ կտրամադրեն ապահովագրության իրավունք ունեցող բոլոր շահառուներին։