ՏԵՍԱՆՅՈՒԹ. Շենքերը մի օր կփլվեն. Ավինյանն անդրադարձել է Արզումանյան փողոցի 4-րդ կարգի վթարային շենքերի խնդրին

«Շենքերը մի օր կփլվեն, Արզումանյան 10 և 17-ի բնակիչներին չենք կարող անվերջ համոզել, պետք է կոշտ միջոցների դիմել»,- Երևանի քաղաքապետարանի գործակարգավարական նիստի ժամանակ ասաց քաղաքապետ Տիգրան Ավինյանը՝ անդրադառնալով 4-րդ կարգի վթարային շենքերի փոխարեն նոր շենքեր կառուցելու և այդ շենքերի բնակիչների ներկայացուցիչների հետ առկա հարցերին։

Քաղաքապետարանը բնակարանի գնման վկայականներ է հանձնում 4-րդ կարգի վթարային շենքերի բնակիչներին, իսկ այդ շենքերը ենթակա են քանդման, սակայն որոշ բնակիչներ դեռևս իրենց համաձայնությունը չեն տվել։

Քաղաքապետը նշեց, որ նախորդ շաբաթ բնակարանների գնման վկայականներ են հանձնվել Արցախի նրբանցքի 4-րդ կարգի վթարային շենքերի բնակիչներին։