Բայդենն Ուկրաինան շփոթել Է Աֆղանստանի և Իրաքի հետ

ԱՄՆ նախագահ Ջո Բայդենը MSNBC-ին տված հարցազրույցում սխալվել է՝ Ուկրաինան շփոթելով Աֆղանստանի և Իրաքի հետ։

«Ամերիկան սխալ է թույլ տվել։ Մենք բեն Լադենին որսում էինք այնքան ժամանակ, մինչև նրան վերացրեցինք։ Բայց միևնույն ժամանակ մենք չպետք է մտնեինք Ուկրաինա։ Այսինքն ՝ մենք չպետք է մտնեինք Իրաք և Աֆղանստան: Մենք որսացել ենք Ռուսաստանում արգելված «Ալ-Քաիդա» միջազգային ահաբեկչական խմբավորման նախկին ղեկավար Ուսամա] բեն Լադենին», - ասել Է Բայդենը։

ԱՄՆ նախագահը մեկ անգամ չէ, որ իր արտահայտություններում վրիպումներ է թույլ տվել։ Օրինակ՝  նա երկու անգամ շփոթել էր Գազայի հատվածն ու Ուկրաինան՝ խոսելով Պաղեստինյան տարածաշրջան օդից մարդասիրական օգնություն նետելու մասին։

«Առաջիկա օրերին մենք պատրաստվում ենք միանալ Հորդանանի և այլ երկրների մեր ընկերներին՝ Ուկրաինա լրացուցիչ սնունդ և պարագաներ օդով հասցնելու համար, և կձգտենք շարունակել բացել այլ ուղիներ դեպի Ուկրաինա, ներառյալ ծովային միջանցք ստեղծելու հնարավորությունը՝ մեծ քանակությամբ մարդասիրական օգնություն հասցնելու համար», - ասել Է Բայդենը:

Ավելի ուշ նախագահը հասկացրել է, որ նկատի ունի Գազայի հատվածը՝ չնշելով իր սխալը։ Այնուհետեւ նա հավելել է, որ տարածաշրջանին տրամադրվող օգնությունն այժմ բավարար չէ։