Զախարովան քննադատել Է «Միր» քարտերի օգտագործումը դադարեցնելու Հայաստանի որոշումը

Հայաստանը ենթարկվեց արևմտյան երկրների ազդեցությանը՝ որոշելով հրաժարվել «Միր» քարտերի օգտագործումից։ Այս մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։

Դիվանագետի կարծիքով, այս հարցում հայկական տնտեսությունը մեծ կորուստներ կունենա, բնակչությունը կբախվի լուրջ անհարմարությունների, Ռուսաստանում աշխատող հայերի համար կդժվարանա գումար փոխանցել տուն, քարտով վճարելու հնարավորությունը կկորցնեն նաև զբոսաշրջիկները:

Զախարովան կարծում է, որ «Միր» քարտերի օգտագործումը դադարեցնելու որոշման ծախսերն ավելի մեծ են, քան Արևմուտքի պատժամիջոցների հիպոթետիկ վնասը: