ՀԱՄԱՍ-ը մերժել է պատանդների գործարքի վերաբերյալ Իսրայելի վերջին առաջարկը

Պաղեստինյան ՀԱՄԱՍ շարժումը մերժել է այս շաբաթվա սկզբին Իսրայելի վերջին առաջարկը՝ փոխանակել հոկտեմբերի 7-ին ՀԱՄԱՍ-ի կողմից առևանգված պատանդներին, CNN-ին ասել է բանակցություններին ծանոթ դիվանագետը:

Այս շաբաթվա սկզբին իսրայելական իշխանությունները առաջարկ են ուղարկել շարժմանը, որում մերժել էին ՀԱՄԱՍ-ի երկու հիմնական պահանջները՝ Գազայի բնակիչների անսահմանափակ վերադարձը հյուսիս և Իսրայելի պաշտպանության ուժերի (IDF) զորքերի դուրսբերումը, հեռուստակայանին ասել է դիվանագետը:

Դիվանագետը CNN-ին ավելացրել է, որ Իսրայելը շարունակում է պնդել, որ թույլատրվեն ստուգումներ անկլավի հյուսիս մեկնող մարդկանց նկատմամբ և Իսրայելի պաշտպանության բանակի զորքերը Գազայի հատվածից դուրս չտեղափոխվեն: