ԱՄՆ-ն կարծում է, որ Իսրայելի պատասխանն Իրանի հարվածներին կլինի սահմանափակ. ԶԼՄ

Վաշինգտոնում կարծում են, որ Իսրայելի հնարավոր պատասխանն իրանական հարվածներին մասշտաբային չի լինի․ իսրայելցիները կգրոհեն Իրանի սահմաններից դուրս գտնվող իրանական ուժերի ու նրանց հարակից խմբավորումների վրա: Այս մասին հայտնել է NBC News-ը` հղում անելով իր աղբյուրներին:

«ԱՄՆ-ի իշխանությունների ներկայացուցիչները կարծում են, որ Իսրայելի պատասխանը կլինի սահմանափակ: Ամենայն հավանականությամբ, դրանք կլինեն հարվածներ Իրանի սահմաններից դուրս գտնվող իրանական զինված ուժերի և Թեհրանի աջակցությունը վայելող խմբավորումների ուղղությամբ»,- նշում է հեռուստաալիքը: 

Նշվում է նաև, որ նման գնահատականները հիմնված են ԱՄՆ-ի և Իսրայելի պաշտոնյաների միջև խորհրդատվությունների արդյունքների վրա։