Ֆրանսիացի սենատորները Գորիսում են

Ֆրանսիացի սենատորները Գորիսում հարգանքի տուրք են մատուցել Միսաք Մանուշյանի հիշատակին։ Տեղեկությունը հայտնում է ԱԺ «Քաղաքացիական պայմանագիր» խմբակցության պատգամավոր, Հայաստան-Ֆրանսիա բարեկամական խմբի ղեկավար Վլադիմիր Վարդանյանը։

«Մեկնարկել է Ֆրանսիայի Հանրապետության Սենատի Ֆրանսիա֊Հայաստան բարեկամության խմբի նախագահ սենատոր Ժիլբեր֊Լյուք դը Վինազի գլխավորած պատվիրակության այցը Հայաստանի Հանրապետություն»,- ֆեյսբուքյան իր պաշտոնական էջում գրել է Վարդանյանը։

Նա նշել է, որ Մանուշյանի հիշատակին նվիրված հուշակոթողին ծաղիկներ խոնարհելուց հետո աշխատանքային հանդիպում է կայացել Գորիսի համայնքապետարանում։ Այնուհետև սենատորները շրջել են քաղաքում։