Ֆրանսիայի էկոնոմիկայի նախարարը Փարիզում հեծանվորդի է վրաերթի ենթարկել

Ֆրանսիայի էկոնոմիկայի և ֆինանսների նախարար Բրյունո Լը Մերը Փարիզում հեծանվորդի է վրաերթի ենթարկել:  Այս մասին տեղեկանում ենք ֆրանսիական լրատվամիջոցներից: 

Նշվում է, որ dեպքը տեղի է ունեցել մայիսի 3-ին`ժամը 19.30-ի սահմաններում, Փարիզի վեցերորդ շրջանում։ Ենթադրվում է, որ հեծանվորդը կարմիր լույսի տակ է անցել, երբ նրան վրաերթի է ենթարկել նախարարը, ով իր անձնական մեքենան վարելիս է եղել:

Հեծանվորդը տեղափոխվել է հիվանդանոց: Ենթադրվում է, որ նա գլխի վնասվածք է ստացել։

Նախարարը չի տուժել, բայց ստիպված է եղել արյան մեջ ալկոհոլի և թմրանյութերի պարունակության թեստեր անցնել, որոնց արդյունքը բացասական է եղել: