Ուկրաինայում ծեծել են ռազմական բժշկին՝ նրան շփոթելով զինկոմիսարիատի աշխատակցի հետ

Ուկրաինայի հարավում գտնվող Դնեպրոպետրովսկ քաղաքում անհայտ անձանց կողմից տուժել է զինվորական բժիշկ: Հարձակման պատճառն այն է եղել, որ տղամարդուն շփոթել են զինկոմիսարիատի աշխատակցի հետ։ 

Ինչպես հայտնում է ուկրաինական STRANA.ua հրատարակությունը՝ վկայակոչելով ականատեսներին, զինվորական բժշկի հագին եղել է խակի համազգեստ: Նրան շփոթելով զինկոմիսարիատի աշխատակցի հետ՝ անհայտ անձինք գազ են ցողել տղամարդու ուղղությամբ, որից հետո հարվածել են նրա դեմքին՝ կոտրելով ակնոցը։

Ավելի վաղ հաղորդվել էր ուկրաինական Սինելնիկովոյում տեղի ունեցած միջադեպի մասին, որտեղ դանակով զինված տղամարդը հարձակվել էր զինկոմիսարիատի աշխատակցի վրա։