ՏԵՍԱՆՅՈՒԹ. Տալլինի նավահանգստում ավիացիոն վառելիքի բաք է բռնկվել. կա վիրավոր

Տալլինի հյուսիսում ուժգին պայթյուն է տեղի ունեցել, հայտնում է Էստոնիայի փրկարարական կենտրոնի մամուլի ծառայությունը։ Գերատեսչությունից նախնական տեղեկություններով՝ Նիլվա փողոցի մոտ գտնվող նավահանգստում ավիացիոն վառելիքով պահեստաբաք է բռնկվել։ Միջադեպի հետեւանքով տուժել է նավահանգստի մեկ աշխատակից, ով հոսպիտալացվել է։

Փրկարարական կենտրոնի հրապարակման համաձայն՝ հրդեհը մարվել է պայթյունի մասին հաղորդումից երեք ժամ անց։ Գերատեսչությունից հայտնել են, որ հրդեհը մարվել է ծովի ջրի և փրփուրի միջոցով։ Մամուլի ծառայությունից հայտնել են նաև, որ փրկարարները առնվազն մինչև վաղը առավոտ պ կիրականացնեն պահեստաբաքի  ստուգում։ Նախնական տվյալներով՝ հրդեհը բռնկվել է նավթի պահեստաբաքի տանիքում։