Գազայում 210 բնակիչ է զոհվել պատանդների փրկության իսրայելական գործողության ժամանակ

Առնվազն 210 խաղաղ բնակիչ է սպանվել Գազայի հատվածում՝ իսրայելական բանակի կողմից, շաբաթ օրը մի խումբ պատանդների ազատագրման գործողության ընթացքում, հայտնում է EFE-ն՝ վկայակոչելով պաղեստինյան անկլավի իշխանություններին։

Պաղեստինյան կողմի տվյալներով՝ եւս 400 Գազայի բնակիչներ վիրավորվել են։

Ավելի վաղ Իսրայելի պաշտպանության բանակը հայտնել էր, որ Պաղեստինի «Նուսեյրաթ» ճամբարում ազատ են արձակել չորս պատանդների, այդ թվում՝ Ռուսաստանի Դաշնությունից։

Այնտեղ գործողությունն իրականացրել են իսրայելական հատուկ ջոկատայինները։ Այն ուղեկցվել է ինտենսիվ հրետակոծությամբ։