ՏԵՍԱՆՅՈՒԹ. ՀՀ վարչապետն ու ԱԱԾ տնօրենը՝ Բաղանիս-Կիրանց հատվածում

ՀՀ վարչապետ Նիկոլ Փաշինյանն այսօր այցելել է Տավուշի մարզի Բաղանիս-Կիրանց հատված, որտեղ արդեն տեղակայված են սահմանապահ զորքերը։ Նրա պաշտոնական ֆեյսբուքյան էջում համապատասխան այցից տեսանյութ է հրապարակված։

«Տավուշի մարզում ծանոթացա Բաղանիս-Կիրանց հատվածում տեղակայված ԱԱԾ սահմանապահ զորքերի ծառայության ընթացքին»,- նշված է տեսանյութի նկարագրության մեջ:

Տեսանյութում երևում է, որ վարչապետին ուղեկցել է ՀՀ ազգային անվտանգության ծառայության տնօրեն Արմեն Աբազյանը։

Հիշեցնենք` մայիսի 24–ից ՀՀ Ազգային անվտանգության ծառայության սահմանապահ զորքերը պաշտոնապես ստանձնեցին ՀՀ պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։