Մեզ համար նահանջ գոյություն չունի. Բագրատ Սրբազան

Հավաքները շարունակելու ենք, մեզ համար նահանջ գոյություն չունի։ Այս մասին Բաղրամյան պողոտայում հայտարարել է Բագրատ Սրբազանը։

«Շարունակելու ենք օրումեջ հավաքվել Սուրբ Աննա եկեղեցու բակում, գաղափարական զրույցներ են ունենալու ու տեղեկություններ են փոխանցելու միմյանց, քննարկելու նոր որակի Հայաստան, երկիր ունենալու հարցը»,-  ասել է նա։

«Մեր շարժումը կանգ չի առել և չի առնելու։ Մենք պատկերացնում ենք` սեփական ժողովրդի դեմ նռնակ կիրառած իշխանությունը հեշտ հեռացող չէ, բայց հաստատ հեռացող է։

Կեղտոտ համակարգի դեմ պետք է գործի արդար և ժողովրդային շարժման համակարգը։ Մեզ համար նահանջ գոյություն չունի, մենք հաղթանակի կհասնենք»,- ասել է Սրբազանը։