Սևան քաղաքում գազամատակարարումը դադարեցվել է․ հայտնի է պատճառը

Գեղարքունիքի մարզի Սևան քաղաքում գազամատակարարումը դադարեցվել է։ Այս մասին հայտնում է «Գազպրոմ Արմենիա» ընկերությունը։

«Ավտոմեքենայի հարվածի հետևանքով վնասվել է միջին ճնշման գազատար, ինչի պատճառով դադարեցվել է Գեղարքունիքի մարզի Սևան քաղաքի գազասպառողների գազամատակարարումը»,– ասված է հաղորդագրությունում։

Նշվում է, որ գազամատակարարումը դադարեցվել է հունիսի 27-ին՝ ժամը 15։45-ից։