Գերմանիայի Tesla գործարանի մոտ Երկրորդ համաշխարհային պատերազմի ռումբ է հայտնաբերվել

Գերմանիայի իշխանությունները ծրագրում են պայթեցնել Երկրորդ համաշխարհային պատերազմի ժամանակաշրջանի ռումբը, որը հայտնաբերվել է Tesla գործարանի մոտ, հինգշաբթի հաղորդում են եվրոպական լրատվամիջոցները։

Շաբաթ՝ հունիսի 29-ին, Բրանդենբուրգի դաշնային նահանգի Գրյունհեյդե համայնքի գործարանում 250 կիլոգրամանոց ռումբ կպայթեցվի։

Ռումբը հայտնաբերվել է գործարանի մոտ գտնվող անտառում։ Նույն անտառում բնապահպան ակտիվիստները փետրվարից բողոքում են Tesla-ի օբյեկտի ընդլայնման դեմ։ Դեռևս հայտնի չէ, թե արդյոք նրանց ճամբարը, որը բաղկացած է մի քանի տնակներից, կտարհանվի։

Tesla-ի միակ եվրոպական գործարանը բացվել է Գերմանիայում մոտ երկու տարի առաջ։