Նախկին պոռնոդերասանուհին դատի է տվել Շոն «Դիդի» Կոմբսին՝ մեղադրելով նրան սեքսուալ թրաֆիքինգի մեջ

Նախկին պոռնոդերասանուհին հայց է ներկայացրել ընդդեմ Շոն «Դիդի» Կոմբսի՝ պնդելով, որ ինքը դարձել է սեքս-թրաֆիքինգի զոհ, երբ աշխատել է նրա հետ՝ ամենամյա «սպիտակ երեկույթի» շրջանակում, հայտնում է Fox News Digital-ը։

Ադրիա Ինգլիշը հայցում պնդում է, որ 2004 թ-ի երեկույթի ժամանակ հյուրերն իրեն «ստիպել են» ընդունել թմրանյութեր։ Նա ասում է, որ Կոմբսը «թմրանյութ է լցրել իր լիկյորի մեջ» եւ իրեն հրահանգել, թե որ շշերից խմի:

Ինգլիշը պնդում էր, որ 2004-ից 2009 թվականներին իրեն սեռական շահագործման են ենթարկել Կոմբսը, Թամիկա Թոմասը եւ Յակոբ Արաբովը, որը նաեւ հայտնի է որպես «Յակոբ ոսկերիչ»: Նոյեմբերից ի վեր սա երաժշտական ​​մագնատի դեմ ներկայացված 10-րդ հայցն է։