ՏԵՍԱՆՅՈՒԹ. Թբիլիսիում ուժեղ քամիներով ուղեկցվող առատ տեղումները խնդիրներ են ստեղծել մայրաքաղաքում

Անցած գիշեր Թբիլիսիում տեղացած հորդառատ անձրևը և ուժեղ քամին ծառեր են տապալել և վնասել քաղաքային ենթակառուցվածքը: Այս մասին հայտնել է Թբիլիսիի քաղաքապետարանը։

«Ուշ գիշերին ուժեղ քամիներով ուղեկցվող առատ տեղումները խնդիրներ են ստեղծել մայրաքաղաքում։ Հատկապես տուժել են Սամգորի, Կրծանիս և Սաբուրտալին շրջանները։ Վատ եղանակի հետևանքով տապալված ծառերը վնասվել են տներ, մեքենաներ և հաղորդակցությունը։ Մի քանի հասցեներում ուժեղ քամին պոկել է տների տանիքները»,- ասվում է հաղորդման մեջ։

Ողջ գիշեր քաղաքապետարանի և թաղապետարանների ներկայացուցիչները ՆԳՆ Արտակարգ իրավիճակների ծառայության աշխատակիցների հետ միասին ներկա են եղել բոլոր խնդրահարույց տարածքներում։ Արդեն հաջողվել է ճանապարհները մաքրել տապալված ծառերից։ Քաղաքային իշխանությունները հաշվում են վնասները, հավելել են քաղաքապետարանից։

Թբիլիսիի իշխանությունները բնակիչներին խնդրում են անհրաժեշտության դեպքում զանգահարել Թբիլիսիի քաղաքապետարան կամ իրենց բնակության վայրի շրջանային վարչություն: