ՏԵՍԱՆՅՈՒԹ. Ղրիմի Սակիի օդանավակայանում պայթյուններ են որոտացել

Ղրիմի Սակիի ռազմական օդանավակայանում պայթյուններ են որոտացել, շրջանում հրդեհ է բռնկվել:

Տեղի բնակիչները հայտնել են, որ պայթյունները տեղի են ունեցել Նովոֆյոդորովկայի մոտակայքում գտնվող Սակիի օդանավակայանում: ԶԼՄ-ներում տարածվում են պնդումներ այն մասին, որ խոցվել է օդանավակայանի զինամթերքի պահեստը:

Տեղի բնակիչները հայտնել են նաև Ղրիմի այլ հատվածներում տեղի ունեցած պայթյունների մասին: Պայթյունները լսվել են Նովոոզերնոյում, Եվպատորիայում և Սիմֆերոպոլում ։

Սևաստոպոլի իշխանությունները հայտարարել են, որ շրջանը ենթարկվել է ուկրաինական դրոնների հարձակման: Ուկրաինան դեռ չի մեկնաբանել այդ հայտարարությունները: