Թայվանը գրանցել է Չինաստանի ԺՀ-ի 9 նավի և 18 ինքնաթիռի մոտենալը

Թայվանի զինված ուժերն արձանագրել են, որ մեկ օրում կղզուն են մոտենում 18 ինքնաթիռ և Ժողովրդա-ազատագրական բանակի 9 նավ։ Այս մասին հայտնել է կղզու պաշտպանության վարչությունը, փոխանցում է ՏԱՍՍ-ը։

Ինչպես նշվում է հայտարարության մեջ, 12 ինքնաթիռ հատել է Թայվանի նեղուցի միջին գիծը և մտել կղզու հարավ-արևմտյան և հարավ-արևելյան հատվածներում հակաօդային պաշտպանության ուժերի նույնականացման գոտի։

Թայվանի բանակը պատասխանել է՝ օգտագործելով ինքնաթիռներ, նավեր և ցամաքային զենիթահրթիռային համակարգեր՝ թիրախներին հետևելու համար:

Թայվանը կառավարվում է իր սեփական վարչակազմի կողմից 1949 թվականից, երբ Չիանգ Կայ-շեկի (1887-1975) գլխավորած Կուոմինտանգի ուժերի մնացորդները փախան այնտեղ՝ Չինաստանի քաղաքացիական պատերազմում պարտվելուց հետո։ Պեկինը Թայվանը համարում է Չինաստանի Ժողովրդական Հանրապետության գավառներից մեկը։