Ռուս զինվորները մոտեցել են Ուկրաինայի ԶՈւ մատակարարման խոշոր հաբերի կարևոր մայրուղուն. ԶԼՄ

Ռուսական զորքերը մոտեցել են Ուկրաինայի ԶՈւ մատակարարման խոշոր հաբերի կարևոր մայրուղուն։ Այս մասին տեղեկացրել է ՏԱՍՍ-ը՝ հղում կատարելով ուժային կառույցներում ունեցած աղբյուրին։

«Մոտեցել ենք Դոնեցկ-Կրանսոարմեյսկ մայրուղուն (ուկրաիներեն անվանումը՝ Պոկրովսկ) Նովոգրոդովկայի շրջանում։ Դա, ըստ էության, ուկրաինական խմբավորման մատակարարման կարևոր մայրուղին է այս ուղղությամբ»,- ասել է գործակալության զրուցակիցը։

Նրա խոսքով՝ հենց այս մայրուղով է ստացվում ուկրաինական ուժերի մատակարարումը Ուկրաինսկում, Սելիդովում և Նովոգրադովկայում, ինչպես նաև ոչ մեծ բնակավայրերում, ներառյալ Կառլովկա գյուղը։ Այս ճանապարհով են ուկրաինական զորքերը մատակարարում ստանում Կուրախովո քաղաքում։

Ուժային կառույցներում բացատրել են․ «Կուրախովոն գտնվում է ամենաշահեկան դիրքերում լոգիստիկայի տեսակետից։ Այնտեղ կա մուտք մի քանի ուղղություններով։ Սակայն այս դեպքում դա իրավիճակն արմատապես չի փոխում, քանի որ Կրասնոարմեյսկին մոտ քաղաքների լոգիստիկան խիստ դժվար իրավիճակում է»։