ՏԵՍԱՆՅՈՒԹ. Պերուում ռուս կնոջ դաժան սպանության և անդամահատման գործով ուկրաինացի տղամարդ է ձերբակալվել

Պերուում ռուս կնոջ դաժան սպանության կասկածանքով ուկրաինացու են ձերբակալել։ Այս մասին հայտարարել է հանրապետության Գերագույն դատարանը։

 Իվան Կուզմինի գործով նիստը տեղի կունենա երկուշաբթի օրը։ Նրա նկատմամբ կարող են իննամսյա խափանման միջոց կիրառել։ Դատարանի աշխատակիցների խոսքով՝ նախնական նիստը հետաձգվել է կալանավորի վատառողջ լինելու պատճառով։ 

 Պերուական El Comercio թերթը, վկայակոչելով իշխանություններին, գրում է, որ տղամարդը կարող էր լինել թմրանյութի ազդեցության տակ։ Radio RPP-ն պնդում է, որ մահացած ռուս կինը նույնպես թմրանյութ է օգտագործել։ 

 Կնոջ սպանությունն ու անդամահատումը տեղի է ունեցել Պերուի հյուսիսում գտնվող Լորետո դեպարտամենտի Dos Mundos համալիր զարգացման կենտրոնում։