ՏԵՍԱՆՅՈՒԹ. Պրոլետարսկի նավթի պահեստում բռնկված հրդեհը մեկ օրից ավել չի հաջողվում մարել. կան տուժածներ

Ռոստովի մարզի Պրոլետարսկ քաղաքի նավթային պահեստում բռնկված հրդեհը մեկ օրից ավելի չի հաջողվել մարել։ Այս ընթացքում տուժել է 41 փրկարար, հոսպիտալացվել է 25 մարդ, որոնցից 7-ը՝ ձեռքերի և դեմքի այրվածքներով։ Ներկայումս հինգը գտնվում են վերակենդանացման բաժանմունքում:

Նավթի պահեստը սկսել է այրվել օգոստոսի 18-ի առավոտյան ժամը վեցին՝ ուկրաինական անօդաչու թռչող սարքի հարվածից հետո։ Տեղացիների խոսքով՝ կրակը հասել է տանկերին, ինչի պատճառով քաղաքը պատվել է սև ծխով։

Փրկարարներին օգնության են հասել կամավորները՝ բոլորն իրենց հետ բերել են առաջին օգնության փաթեթներ, ջուր և առաջին անհրաժեշտության պարագաներ։