Զելենսկին հայտարարություն է արել

Ուկրաինայի նախագահ Վլադիմիր Զելենսկին երեկոյան տեսաուղերձում ասել է, որ զինված ուժերը աստիճանաբար դուրս են մղում ռուսական զորքերը Խարկովի մարզից։

«Ես խոսել եմ գլխավոր հրամանատար Սիրսկիի հետ՝ կապված Խարկովի մարզում տեղի ունեցած մարտերի հետ։ Մենք դուրս ենք մղում ռուսական բանակը. աստիճանաբար։

Օկուպանտը չի գրավի Խարկովը, նա չի նվաճի մեր ամբողջ Ուկրաինան»,-ասել է նա։

Զելենսկին հիշեցրել է, որ մայիսի սկզբից Ուկրաինայի զինված ուժերին հաջողվել է հետ մղել Խարկովի վրա հարձակվելու ռուս զինվորների փորձը։

Զելենսկին Խարկովն անվանել է «հերոսական քաղաք, մարդկանց և կյանքի քաղաք»։