Լիբանանից տասնյակ հրթիռներ և արկեր են արձակվել դեպի Իսրայել

Լիբանանից Իսրայելի ուղղությամբ 35 հրթիռ է արձակվել հրեական պետության հյուսիսի գնդակոծությունների վերջին ալիքի ընթացքում: Այս մասին հայտնում է բանակի մամուլի ծառայությունը։

Գերատեսչությունից հայտնել են, որ արձակումների մի մասը որսացել են, արձանագրվել են արկերի անկումներ: Զինվորականները տեղեկացրել են, որ այդ գնդակոծության արդյունքում ազդանշանները գործել են Հայֆայի ծոցի շրջանում և վերին Գալիլեայում:

Ավելի վաղ մամուլի ծառայությունը հայտնել էր, որ օդային տագնապ Է հայտարարվել Իսրայելի հյուսիս-արևմուտքում գտնվող Ակկո քաղաքում և դրա շրջակայքում:

Մինչ այդ, օրվա սկզբից, իսրայելցի զինվորականների տվյալներով, հրեական պետության հյուսիսային ուղղությամբ Լիբանանից արձակվել է 40 հրթիռ և արկ: