Իսրայելը անվտանգության նիստ է անցկացնում. պատրաստվում են հարվածել Իրանին

Այս պահին ընթանում է Իսրայելի անվտանգության նախարարների կաբինետի նիստը։ Այս մասին հայտնել է  The Jerusalem Post թերթը։

Պարբերականի խոսքով՝ կառավարության նիստը տեղի կունենա տեղական ժամանակով 19:30-ին Թել Ավիվում։

Իսրայելական ԶԼՄ-ները գրում են՝ ակնկալվում է, որ կանաչ լույս կտրվի Իսրայելի ռազմաօդային ուժերի կողմից Իրանի տարածքում ավիահարվածներ հասցնելուն։

Հիշեցնենք, որ հոկտեմբերի 1-ի երեկոյան Իրանը լայնածավալ հրթիռային հարված է հասցրել Իսրայելի տարածքին՝ ի պատասխան պաղեստինյան արմատական ​​ՀԱՄԱՍ շարժման ղեկավարության, լիբանանյան շիական Հեզբոլլահի և Իրանի Իսլամական հեղափոխության պահապանների կորպուսի (էլիտար ստորաբաժանումներ) գլխավոր անձանց սպանություններին։