ՌԴ-ի ո՞ր մարզը կլինի ATACMS հրթիռների հաջորդ թիրախը. WSJ

The Wall Street Journal-ը նյութ է հրապարակել, որում դատողություններ են արվում Ռուսաստանի տարածքում ATACMS հրթիռների հարվածի հնարավոր հաջորդ վայրի մասին։ Տեղեկատվությունը փոխանցում է mk.ru-ն:

WSJ-ի տվյալներով ՝ հեռահար հրթիռներով հարվածելու հաջորդ թիրախը կարող են դառնալ Ռոստովի մարզի օբյեկտները։ Պարբերականը կարծում է, որ Ուկրաինայի զինված ուժերը կարող են փորձել խոցել մի քանի ռազմական օդանավակայաններ, որոնք տեղակայված են ռուսական այս տարածաշրջանում:

Պարբերականը նաև պնդում է, որ ԱՄՆ իշխանություններն արդեն քարտեզագրել են մոտ 200 ռուսական ռազմական օբյեկտ, որոնց Ուկրաինայի զինված ուժերը կարող են հասնել ATACMS հրթիռներով։