Խստորեն կկասեցնենք նման սադրանքները. Պուտին

Ռուսաստանը խստորեն կկասեցնի երկրի միասնությունը խարխլելու և ազգային կամ կրոնական խաղաքարտ բանեցնելու փորձերը: Այս մասին ասել է Ռուսաստանի Դաշնության նախագահ Վլադիմիր Պուտինը:

Պուտինի խոսքով՝ ՌԴ–ն պատրաստ է հակահարված տալ ամբողջ ճակատում։ 

«Բոլոր պատմական ժամանակներում մեր հակառակորդները փորձել են սասանել այդ միասնությունը և հիմա նորից գնում են ուրիշների վրա փորձած սցենարով՝ փորձելով պառակտել մարդկանց, ազգային կամ կրոնական խաղաքարտ բանեցնել։ Մենք խստորեն կկասեցնենք նման սադրանքները, կպատասխանենք ցանկացած սպառնալիքի ու մարտահրավերի, պատրաստ ենք հակահարված տալ, ինչպես ասում են, ամբողջ ճակատում», - նշել է ՌԴ նախագահը։