Կրեմլից արձագանքել են Փաշինյանի՝ քովիդով վարակվելուն

Կրեմլը հույս ունի, որ Հայաստանի վարչապետ Նիկոլ Փաշինյանը, ով քովիդի դրական թեստի պատճառով չի կարողացել ժամանել Սանկտ Պետերբուրգ՝ մասնակցելու ԱՊՀ ոչ պաշտոնական գագաթնաժողովին, ԵԱՏՄ գագաթնաժողովին կմասնակցի տեսահամաժողովային զանգով: Այս մասին հայտնել Է ՌԴ նախագահի մամուլի քարտուղար Դմիտրի Պեսկովը։

«Մենք հույս ունենք, որ արդեն վաղը, իսկ վաղը կլինի ԵԱՏՄ գագաթնաժողովի հետ նախատեսված մասը, նա կկարողանա մասնակցել տեսակապով», - լրագրողներին ասել Է Կրեմլի ներկայացուցիչը:

«Դա շատ կարևոր է, դուք գիտեք, որ Հայաստանը կազմակերպության շատ կարևոր մասնակից է», - հավելել Է Պեսկովը:

Հիշեցնենք՝ առավոտյան Փաշինյանը հայտնել է, որ դեկտեմբերի 23-ին քվիդի դրական ախտորոշում է ունեցել և երկու օրով մեկուսացել ու աշխատել է կեցավայրում: