Օդի ջերմաստիճանը կրկին կնվազի․ եղանակն՝ առաջիկայում

Օդերևութաբանների կանխատեսումների համաձայն` Հայաստանի լեռնային շրջաններում ձյուն կգա դեկտեմբերի 16-ին։

Հայաստանում օդի ջերմաստիճանը կշարունակի նվազել։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

«Օդի ջերմաստիճանը դեկտեմբերի 15-17-ի գիշերն աստիճանաբար կնվազի ևս 5-7 աստիճանով»,– ասված է հաղորդագրությունում։

Այսօր հանրապետությունում տեղումներ չեն գրանցվի։ Դեկտեմբերի 16-ի ուշ երեկոյան առանձին շրջաններում սպասվում են տեղումներ, լեռնային շրջաններում՝ ձյան տեսքով։

Դեկտեմբերի 15-ին Երևանում ցերեկային ժամերին օդի ջերմաստիճանը կտատանվի 0-ից -2–ի, իսկ գիշերը` -8–ից -10–ի սահմաններում։