Հարավային Կորեայի ՊՆ–ն արգելափակել է DeepSeek չաթ–բոտը

Հարավային Կորեայի պաշտպանության նախարարությունը արգելափակել է չինական DeepSeek ընկերության չաթ-բոտը, հաղորդում է Yonhap լրատվական գործակալությունը՝ վկայակոչելով աղբյուրներին:

Նշվում է, որ գերատեսչությունն ինքը ձեռնարկում է բոլոր «անհրաժեշտ միջոցները» անվտանգության ապահովման համար։

Ավելի վաղ հաղորդվել էր, որ երկրի արդյունաբերության և առևտրի, ինչպես նաև արտաքին գործերի նախարարությունները արգելափակել են մուտքը DeepSeek։ Հաղորդվում է նաև, որ նույնը նախատեսում է անել երկրի ֆինանսների նախարարությունը։