Օդի ջերմաստիճանը կնվազի. եղանակը ՀՀ-ում

Հիդրոօդերևութաբանության և մոնիտորինգի կենտրոնը հայտնել է, որ ՀՀ տարածքում փետրվարի 11-12-ին, 13-ի գիշերը սպասվում է առանց տեղումների եղանակ: Փետրվարի 13-ի երեկոյան, 14-ի գիշերը շրջանների զգալի մասում, 14-ի ցերեկը, 15-ին առանձին շրջաններում սպասվում է ձյուն։ 

Քամին հարավարևելյան է, 2-5մ/վ արագությամբ։ Օդի ջերմաստիճանը փետրվարի 11-ի գիշերը կնվազի ևս 3-5 աստիճանով։

Երևան քաղաքում փետրվարի 11-12-ին, 15-ի ցերեկը սպասվում է առանց տեղումների եղանակ: Փետրվարի 13-ի երեկոյան, 14-ին, 15- ի գիշերը սպասվում է ձյուն։

Մայրաքաղաքում փետրվարի 11-ի ցերեկը կլինի 4-5 աստիճան տաքություն, իսկ երեկոյան ժամերին կգրանցվի -1....-3 աստիճան։